longasumma

a lånka winta
is gåå und steckt no in de boa
es lebn kimmp hinta
kriacht mit gråwialach iban roa
es liacht
wecht wieda stürcha
bleaggazt durch de bam
und durch de fensta
in mein tram

heit hå i s gneateg
heit muaß i s lebn wieda gspian
bloaß und leateg
mit haut und håå und hechz und hirn
es troad
rinnt durch de felda
und durch deine håå
waht schoa da wind
van noin jåhr

an gånzn tåg dawei
es riacht nåch sunn und diche blia
es wåssa rinnt gånz stat vabei
und i gspia di nebm mir

es lebn
is heit gånz nachnt
so kunnts ållweil sei
so rink åls gangats nia vabei

longasumma
a gfüh so rink åls wia da wind
summalonga
an åcht wo i mi wieda find

(c) fritz messner / roabee music

Querschläger Homepage (neues Fenster)